بویون سرو سهی زولفون معنبر

جمالین یوسف کنعانه بنزر

قاشین عاشیق لرین قصدینه گویا

خم اولموش تیغ سر افشانه بنزر

آچاندا گوزلرین آلیر بو جانی

یاتاندا فتنه دورانه بنزر

باخاندا نازیله تیر نگاهین

کونولده خنجر برانه بنزر

دیلون بولبول ساچین سونبول اوزون گول

کج اولموش کیپریگین پیکانه بنزر

مه رخسارین ای حور بهشتی

گولستاندا گل خندانه بنزر

ویریب باد صبا زولفون داغیتمیش

گول اوزده دسته ریحانه بنزر

لب لعل شفا بخشین عزیزیم

بعینه چشمه حیوانه بنزر

خالین هندو صفت کونج لبینده

اوتورموش تخت آرا سولطانه بنزر

سنین کوینده عاشیقلر فغانی

چمنده بولبول خوش خوانه بنزر

گوزوم یاشی فراقوندن اوزومه

سراسر لولوء غلطانه بنزر

اگر چه عاشیقین چوخدور ولیکن

اینانما هئچ بیری حیرانه بنزر

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: